النكت تعد من الكلمات والعبارات التي تهون علينا الكثير من الوقت , فنحن الان في عالم العمل والعلم والاحداث السريعة والخطيرة والتي تأخذ مشاعرنا بعيدا عن الضحك والمرح
ولكن النكتــــه المصرية دائما تجدها في اي وقت لتهون عليك الوقت , وتزيد من الابتسامة التي فقدت في عالمنا الحديث
الان من عرب سوفت لكم مجموعة رائعة من النكت الجميلة والجديدة التي سوف تنال اعجابك إن شاء الله
شاهد وتمتع بأحدث النكت الجديد واجمد النكت - واختار الافضل لتصل بها للاصدقاء لترسم الابتسامة علي وجه اصدقائك بكلمات خفيفه سهله الحفظ
نكت جديدة و اجمد نكت من عرب سوفت
مدرس بيقول لطالب ادخل كلمة ( ناقص) فى جملة قاله :
ناقص تقولى اعربهالى
***
مره واحد بيقول لمراته عايز اعترفلك بحاجه قالتلو قول قالها انا بحب هاينز قاتلو وان ابحب هيثم
قالها هاينز دى صلصه قالتلو وهيثم ده سكر
***
حرامى دخل شقة ليسرقها فالقى واحد ومراتة فسال مراتة اسمك اية قالتلو مديحة قالها انا مش هقتلك علشان اسمك على اسم امى الله يرحمها
وسال زوجها اسمك اية قلو ابراهيم وبيدلعونى بيقوللى يا مديحة
***
واحد فرحان اتزو ج وحدة زعلانة خلفوا
يا فرحة ما تمت
***
الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا
الدكتور: بنعمله إختبار البانيو
الصحفي: واللي هو ؟
الدكتور: بنملى البانيو ميّه على آخره … وندي المريض معلقة وكوباية وجردل … وبنقوله فضيلنا البانيو ده من الميّة
الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل
الدكتور: مممم … هو عامة، العاقل حيرمي ده كله ويشيل سدادة البانيو … تحب اوضتك على الشارع ولا بتبص على الجنينة ؟
***
تم طرح مناقصة لصيانة سور البيت الابيض
تقدم 3مقاولين امريكاني و مكسيكي و مصرى للمناقصة
الامريكاني اخد مقاسات السور و تقدم بسعر 900 دولار
سأله مسئول البيت الابيض: ليه 900 دولار
قال : 400 دولار خامات+ 400 دولار عمالة و 100 دولار مكسب
و المكسيكي اخد مقاسات السور و تقدم ب 700 دولار للمناقصة
لما سأله قال: 300 دولار خامات+ 300 دولار عمالة و 100 دولار مكسب
أما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دة
المسئول رد علية و قالة: ليه يا عم كل ده
رد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700
***
واحد صعيدي في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب
قالهم الجماعة بتوع المحارة .
***
مره اتنين مجانين اتفقوا انهم يهربوا من المستشفى واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت.
***
مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى
***
واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و..... قام العفريت قال حيلك حيلك إنت فهمت غلط .. أنا شاي و قهوة بس .
موضوع: نكت جامدة اوي و احدث نكت 
السبت نوفمبر 03, 2012 2:10 pm